NÝTTU KRAFTINN

Sigríður Snævarr sendiherra og María Björk Óskarsdóttir viðskiptafræðingur mótuðu saman hugmyndafræði NÝTTU KRAFTINN haustið 2008. NÝTTU KRAFTINN miðar að því að hvetja atvinnulausa einstaklinga að nýta tíma sinn og kraft á jákvæðan og uppbyggilegan hátt. Nú hafa hátt í 600 manns tekið þátt og er almennt um 75% endurráðningarhlutfall í hverjum hópi sem er frábær árangur þátttakendanna.

NÝTTU KRAFTINN er 3ja mánaða ferli þar sem rauði þráðurinn er að ganga til hvers dags sem vinnudagur væri -gera sjálfan sig þannig samkeppnishæfari í atvinnuleitinni. Markviss tímaskráning sem nemur a.m.k. 4 tímum á hverjum virkum degi miðað við fjölbreytileg verkefni og vottanir viðurkenndar af atvinnulífinu. Boðið upp á áhugasviðspróf til að víkka hugann og skapa ný tækifæri sem og farið í gegnum fjöldan allan af verkefnum sem öll miða að því að styrkja þátttakendur í atvinnuleitinni. Nánari upplýsingar um NÝTTU KRAFTINN ferlið má finna hér til hliðar.

VILTU SKRÁ ÞIG Í NÆSTA HÓP? Nýttu strax kraftinn og smelltu á hnappinn hér til hliðar

Við förum reglulega af stað með nýja hópa en festum tímann ekki fyrr en að fjöldi þátttakenda er orðinn +/- 20 einstaklingar. Með því að smella á hnapp hér til hliðar getur þú skráð þig í næsta hóp og við sendum svo staðfestingu þegar að nákvæm tímasetning liggur fyrir.